Transcription
1
Messeigneurs, oultre les precedentes que j’ay vous
2
ay escript, estant venu en ce lieu du Monestier avec
3
le cappitaine de Ferrus pour havoyr gentz à mectre aux
4
advenues et deffandre lenemy qui se prepare pour
5
entrer en cest excarton de Briançon, nous avons receu
6
aultres nouvelles desquelles vous mandons une coppie
7
par laquelle verrés les desseigns [sic] des rebelles pour lesquelz
8
repoulcer aurions besoing destre mieulx armés que
9
ne sommes, car la première excuse que nous mectent
10
avant ses comunes, mesmes à ceste heure en ce lieu
11
du Monestier oùt ledit cappitaine et moy sommes, est
12
quilz ne sont armés, de quoy sommes estés esbays
13
et les avons grandement reprins. Nous regarderons
14
ensemblement fère tout ce que nous pourrons pour
15
la desfance de ce pays et hobeyssance de vous comandementz
16
aussquelz luy et moy desirons hobeyr et les entendre
17
pour ce que nous en aurons affaire, lesquelz, sil vous
18
plaict nous mander, auront grant efficaxe [sic] contre
19
ces popullas, de quoy vous en prions très humblement come
20
nous faisons le Createur vous donner
21
messeigneurs, en prosperité, vie longue. Dudit lieu
22
du Monestier, ce dix septiesme febvrier 1574 à mydy.
23
Votre très humble et obeyssant serviteur
24
Chalhol